Xeografía
DIVISIÓN
A parroquia de Ponte dividiuse tradicionalmente en tres grandes partes: ao sur,
Meixomence; ao leste,
Rosende; e ao centro norte,
San Miguel. Na actualidade, o número de lugares ascende a dez: os xa citados Meixomence e Rosende,
Tras do Sisto,
O Espiño,
Casderrei,
Trasfontao,
A Regueira,
A Aldea de Baixo,
A Aldea de Riba e
O Sino.
HIDROGRAFÍA
A proximidade do
río Deza condiciona o relevo desta parroquia, pois a zona norte destaca pola súa pendente. Na zona media atópase unha chaira aluvial de considerable extensión.
O relevo de Ponte artéllase arredor de varias correntes de auga, ademais do xa mencionado Deza:
- O río de Rosende, coñecido noutros puntos da xeografía silledense como río da Mera ou da Gouxa, discorre pola parte oriental da parroquia, desembocando no Deza no lugar coñecido como a Xunta dos Ríos.
- O regueiro de Meixomence, afluente do anterior.
- O regueiro do Castañal, que desemboca no Pozo do Avogado.
- O rego da Regueira, que nace na Fonte de Outeiro, preto de Casderrei, e percorre San Miguel.
Convén comentar que, a pesar de que non percorre a parroquia, o
regueiro de Saídres interveu na morfoloxía do lindeiro occidental da mesma.
OROGRAFÍA
O relevo de Ponte é moi variado, indo desde a chaira aluvial do centro da parroquia cara as grandes pendentes que se formaron nas proximidades do Deza. Destacan como principais elevación o coto da
Pena Negra, no extremo suroeste; o
Picoto, no lindeiro oriental e os cotos do
Outeiro (na imaxe) e de
Laxes, en San Miguel.