A igrexa parroquial
A
actual igrexa parroquial levantouse sobre unha pequena
capela dedicada á
Virxe dos Remedios, construída arredor de 1800. Como se aproveitou a estrutura existente, iso condicionou a orientación do templo, xa que a
porta grande mira cara o sur, cando o normal é que estea orientada ao oeste.
Tras producirse o
cambio dende o antigo templo, en 1863, a capela sufriu constantes
reformas para acadar estado actual. Convén destacar as realizadas a comezos do século XX, estando como párroco
José García Iglesias (das que se conserva a fachada) e as que se levaron a cabo na década de 1930, con
Manuel Sánchez Noya ao cargo da parroquia. Nestas últimas déuselle a configuración actual, pois construíuse o presbiterio e trasladouse a sancristía do lateral oeste ao norte, tralo presbiterio.