Toponimia

Do termo latino pons, o nome desta parroquia fai referencia a unha antiga construción usada para cruzar o río Deza. 

Vexamos agora unha pequena explicación dos nomes dos núcleos de poboación:

1. A Aldea de Baixo (ou de Abaixo): indica a posición do lugar respecto dun punto de referencia a maior altura
2. A Aldea de Riba (ou de Arriba): igual que o anterior, estando o punto de observación a menor altura.
3. Carderrei (ou Casderrei): trátase dun rotacismo do s de casa nun r, acompañado do nome Rei, sen ter por que referirse a un monarca histórico.
4. O Espiño: pode referirse ao arbusto espiñoso Crataegus monogyna.
5. Meixomence: pode referirse ao nome latino Maxuminus > Maximino, ou ben ser un topónimo propicitario Bencomenzo > Beicomenzo > Meixomence.
6. A Regueira: nome dado ao terreo polo que discorre unha corrente de auga.
7. Rosende: corresponde co nome visigótico Rudesindus > Rosendo.
8. O Sino: fai referencia a unha campá, ou xeralizando, a unha igrexa.
9. Trasfontao: indica a posición deste lugar con respecto a unha fonte (do latín fontanun > Fontao).
10. Tras do Sisto: situa este lugar tomando como referencia O Sisto < Xisto.